0

Nálgunarbann Ray Borg á Conor McGregor kemur í veg fyrir að Borg berjist í október

Fluguvigtarmaðurinn Ray Borg átti að mæta Joseph Benavidez á UFC 229 í október eða sama kvöld og Conor McGregor mætir Khabib Nurmagomedov. Ray Borg keppir ekki á kvöldinu mögulega vegna nálgunarbanns.

Conor McGregor gerði allt vitlaust í apríl og réðst á rútu sem innihélt Khabib Nurmagomedov. Conor kastaði trillu í gegnum rúðu rútunnar með þeim afleiðingum að UFC bardagamennirnir Michael Chiesa og Ray Borg fengu glerbrot yfir sig. Chiesa fékk skurð á ennið og Borg fékk glerbrot í augað en hvorugur gat barist þá helgi eins og til stóð.

Réttað var yfir Conor McGregor í júlí og viðurkenndi hann brot sín. Hann slapp við dóm og þarf að greiða sekt en þá ákvað dómarinn einnig að setja nálgunarbann á Conor gagnvart Borg og Chiesa. Eins og áður segir var bardagi Borg og Benavidez bókaður á UFC 229 þann 6. október en nú hefur sá bardagi verið færður.

Bardaginn var færður á UFC bardagakvöldið í Denver þann 10. nóvember og gæti nálgunarbannið spilað inn í þá ákvörðun. Borg sjálfur hafði þó ekkert með nálgunarbannið að segja.

Ray Borg ætlaði að láta fella niður nálgunarbannið en það gæti tekið sinn tíma í dómskerfinu.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í 6 ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Latest posts by Pétur Marinó Jónsson (see all)

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í 6 ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.