Neil Magny gefur 15.000 dollara af launum sínum til góðgerðarmáls

Neil Magny hefur lofað því að gefa 15.000 dollara af launum sínum fyrir sinn næsta bardaga til ungrar stelpu sem berst við sjaldgæfan sjúkdóm. Magny er kominn með nýjan andstæðing í stað Gunnars og berst á Liverpool kvöldinu eins og til stóð.

Neil Magny átti að mæta Gunnari Nelson á UFC bardagakvöldinu í Liverpool þann 27. maí. Eins og áður hefur komið fram er Gunnar meiddur og getur því ekki barist á kvöldinu. Fyrr í vikunni fékk Magny nýjan andstæðing í stað Gunnars og mun því berjast í Liverpool eins og til stóð.

Magny var búinn að lofa því að ef hann fengi nýjan andstæðing myndi hann gefa hluta af tekjum sínum fyrir bardagann til góðs málefnis. Hin eins árs gamla Presley O’Doherty berst við sjaldgæfan taugasjúkdóm og mun Magny gefa 15.000 dollara til hennar og fjölskyldu hennar.

If the UFC is able to find me an opponent for May 27th. I will donate $15,000 of my fight purse to help this little girl and her family get the care that she needs. https://www.gofundme.com/fighting-sma-with-presley-mae

A post shared by Neil Magny (@neil_magny170) on May 10, 2018 at 2:33pm PDT

Magny mætir UFC nýliðanum Craig White í næstsíðasta bardaga kvöldsins í Liverpool.

The @ufc came through and found me a game opponent for May 27th in Liverpool. Now I get the privilege of putting on a great show for the fans and keeping my promise to Presley and her family. I’m going to donate $15,000 of my purse to help her get the medical care she needs #ag2g

A post shared by Neil Magny (@neil_magny170) on May 17, 2018 at 6:21am PDT