Nicco Montano sendi frá sér langa yfirlýsingu á laugardagskvöldið eftir að hafa verið svipt titlinum. Montano segir að bardaginn hafi komið alltof snemma fyrir sig og hafi verið neydd að samþykkja bardagann.
Nicco Montano gat ekki varið fluguvigtartitilinn sinn á UFC 228 eins og til stóð. Montano átti að mæta Valentinu Shevchenko en skömmu fyrir vigtunina þurfti að flytja Montano upp á sjúkrahús.
Í yfirlýsingunni segir Montano að hún hafi ekki viljað berjast fyrr en í október. Það hafi hins vegar ekki verið í boði og hafi hún verið neydd til að samþykkja bardagann. Þá hafi efnaskiptin í skrokknum verið í ólagi eftir að hafa skorið þrisvar niður á sex vikum í The Ultimate Fighter. Það hafi tekið hana langan tíma að jafna sig á því og þá hafi veikindi og meiðsli spilað inn í.
Montano fékk nýrnabilun en læknar sögðu að ef hún hefði beðið í 30 mínútur í viðbót gæti það hafa leitt til hjartsláttatruflana.
Yfirlýsinguna má lesa í heild sinni hér að neðan.
View this post on Instagram
