UFC bardagamaðurinn Nordine Taleb hefur greinilega fundið vettvang til að drýgja tekjurnar á milli bardaga. Nýlegar myndir hafa birst af honum sem lífvörður brasilíska fótboltamannsins Neymar.
Nordine Taleb er 36 ára franskur bardagamaður sem er með fimm sigra og tvö töp í UFC. Hann berst í veltivigt UFC en eitt af töpum hans var gegn Santiago Ponzinibbio. Hann barðist síðast í maí þegar hann sigraði Oliver Enkamp í Svíþjóð.
Nú hafa myndir af honum að fylgja Neymar í París birst á samfélagsmiðlum.
Neymar a choisi comme garde du corps le combattant Algérien ?? de l’@ufc Nordine Taleb pic.twitter.com/mYJSUrJwes
— les talents funnec (@teamsdzz) August 10, 2017
Neymar gerði nýverið risastóran samning við PSG og varð þar með dýrasti knattspyrnumaður heims. Vistaskiptin voru umdeild meðal stuðningsmanna Barcelona en Neymar ætti að vera nokkuð öruggur fyrir æstum stuðningsmönnum með Nordine Taleb sér við hlið (svo lengi sem árásarmennirnir mæta ekki með byssur).
