Conor McGregor er ekki lengur fjaðurvigtarmeistari UFC. Þetta kom fram í UFC útsendingunni í gær frá Ástralíu.
Conor McGregor er ennþá léttvigtarmeistarinn en fjaðurvigtarbeltið hefur nú verið tekið af honum. Jose Aldo var svo kallaður bráðabirgðarmeistari (e. interim champion) en nú er hann aftur orðinn fjaðurvigtarmeistarinn.
UFC heldur því fram að Conor McGregor hafi sjálfviljugur látið beltið af hendi en fjölmiðlamaðurinn Ariel Helwani segir svo ekki vera.
UFC says McGregor has “relinquished” the 145 title. I’m told he never agreed to that, as we reported earlier, but UFC w/i rights to strip.
— Ariel Helwani (@arielhelwani) November 27, 2016
Núna er fjaðurvigtarbardagi Anthony Pettis og Max Holloway orðinn aðalbardaginn á UFC 206 en sá bardagi verður upp á bráðabirgðarbelti fjaðurvigtarinnar. Sigurvegarinn mun svo mæta Jose Aldo á næsta ári.
