0

Valentina Shevchenko mætir Jessica Andrade í apríl

Næsti titilbardagi Valentina Shevchenko verður í apríl. Andstæðingurinn að þessu sinni verður fyrrum strávigtarmeistarinn Jessica Andrade.

Valentina Shevchenko hefur ráðið lögum og lofum í fluguvigt kvenna síðan hún tók beltið 2018. Þetta verður hennar fimmta titilvörn en síðast sáum við hana sigra Jennifer Maia í nóvember.

Bardaginn gegn Andrade verður á UFC 261 þann 24. apríl. Andrade átti mjög góða frumraun í fluguvigt UFC þegar hún kláraði Katlyn Chookagian í 1. lotu. Það var nóg til að tryggja sér titilbardaga en Andrade varð strávigtarmeistari UFC árið 2019.

Þetta er fyrsti titilbardaginn sem sagður er vera á kvöldinu en þrír aðrir bardagar eru sagðir vera á kvöldinu: Chris Weidman gegn Uriah Hall, Anthony Smith gegn Jimmy Krute og Danaa Batgerel gegn Kevin Natividad.

Pétur Marinó Jónsson

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

Your email address will not be published.

This site uses Akismet to reduce spam. Learn how your comment data is processed.