0

Vísindamaðurinn skoðar kremafsökun Chad Mendes eftir fall hans á lyfjaprófi

chad mendesChad Mendes var nýlega dæmdur í tveggja ára keppnisbann eftir fall á lyfjaprófi. Í lyfjaprófi hans fannst efnið GHRP-6 en sjálfur reyndi Mendes að kenna húðkremi um fall sitt á lyfjaprófinu. En er afsökun Chad Mendes góð og gild?

Til að fá svar við þessu fengum við Vísindamanninn með okkur í lið. Brynjar Örn Ellertsson heldur úti skemmtilegri Facebook síðu sem kallast einfaldlega Vísindamaðurinn. Brynjar er lífefnafræðingur (og fjólublátt belti í brasilísku jiu-jitsu) og fengum við hann til að skoða afsökun Chad Mendes. Gefum honum orðið.

Eins og áður hefur komið fram var Chad Mendes dæmdur í tveggja ára keppnisbann eftir að ólöglega efnið GHRP-6 mældist hjá honum. Eftir að Mendes var dæmdur kom hann fram og sagði að GHRP-6 hefði verið í sóríasis (psoriasis) kremi sem hann hafi verið að nota.

En hvað er GHRP-6 og af hverju er það ólöglegt?

GHRP-6 eða Growth Hormone-Releasing peptide 6 er ekki hormón heldur peptíð keðja sem eykur myndun líkamans á vaxtarhomóninu HGH (human Growth hormone). HGH er mikið notað sem frammistöðubætandi efni og getur leitt til minnkandi líkamsfitu og aukins magns Insulin-like Growth Factor 1 (IGF-1). IGF-1 er líka frammistöðubætandi efni sem eykur próteinframleiðslu í líkamanum sem svo eykur vöðvavöxt og hjálpar við að jafna sig eftir æfingar og eftir meiðsli. Einnig eykur GHRP-6 svengdartilfinningu með því að líkja eftir hormóninu ghrelin. Þannig að í stuttu máli þá eykur GHRP-6 framleiðslu líkamans á HGH, HGH eykur svo framleiðsluna á IGF-1 sem hefur áhrif á vöðvavöxt og fleira ábótasamt.

Of mikið magn HGH hefur líka ýmis konar neikvæð áhrif eins og t.d. óeðlilegan beinvöxt og stækkun innri líffæra sem getur leitt til hjartaáfalls. En GHRP-6, HGH og IGF-1 eru öll bönnuð af USADA en GHRP-6 er eina efnið sem er ekki finna náttúrulega í mannslíkamanum.

Afsökun Mendes að hann hafi fengið GHRP-6 í gegnum sóríasis-krem er ekki ósvipuð afsökun Jon Jones um að hann hafi fengið sín efni í gegnum fæðubótarefni þar sem í báðum tilfellum snýst málið um efni sem eru bönnuð af FDA (Food and Drug Administration) og eru því ekki leyfð hvorki í fæðubótarefnum né í kremum. Hægt er að taka inn GHRP-6 annað hvort í gegnum sprautur eða með kremi en ekki sem fæðubótarefni þar sem það brotnar niður í meltingarveginum.

Vandamálið við sögu Chad Mendes er þó helst að GHRP-6 er frekar nýtt og er enn á algjöru rannsóknar stigi og hefur ekki verið sýnt fram á virkni GHRP-6 gegn sóríasis. Eins og áður hefur komið fram þá er GHRP-6 ekki leyft af FDA og því hefur Chad Mendes allavega verið (ef saga hans er sönn) að nota ólöglegt krem.

vísindamaðurinn

Pétur Marinó Jónsson

Eigandi og ritstjóri vefsins www.mmafrettir.is

-Æft bardagaíþróttir í einhver ár (fjólublátt belti í BJJ)
-BS í sálfræði
-Lýsi UFC á Stöð 2 Sport
-MMA fíkill
Pétur Marinó Jónsson

Comments

comments

Pétur Marinó Jónsson

Eigandi og ritstjóri vefsins www.mmafrettir.is -Æft bardagaíþróttir í einhver ár (fjólublátt belti í BJJ) -BS í sálfræði -Lýsi UFC á Stöð 2 Sport -MMA fíkill

Leave a Reply

This site uses Akismet to reduce spam. Learn how your comment data is processed.