Alex Oliveira tapaði fyrir Gunnari Nelson á UFC 231 á laugardaginn. Oliveira fékk svakalegan skurð á ennið og þurfti þónokkur spor.
Gunnar Nelson kláraði Oliveira með hengingu í 2. lotu á laugardaginn. Áður en hann náði hengingunni lenti hann nokkrum olnbogum í Oliveira. Oliveira fékk stóran skurð fyrir vikið sem blæddi vel úr.
Strax eftir bardagann þurfti að sauma 29 spor á ennið en Oliveira tók því með bros á vör eins og hann er gjarn á að gera. Andre Tadeu, þjálfari Oliveira, tók þessa mynd þar sem verið var að sauma Oliveira.
