Allir bardagamenn náðu vigt fyrir UFC 238

Það var ekkert vesen í vigtuninni í dag fyrir UFC 238. Allir bardagamenn kvöldsins náðu vigt og fara því tveir titilbardagar fram eins og áætlað var.

UFC 238 fer fram á morgun í Chicago. Í aðalbardaga kvöldsins mætast þeir Henry Cejudo og Marlon Maroes um bantamvigtartitilinn en báðir voru þeir 134 pund í vigtuninni í morgun.

Þær Valentina Shevchenko og Jessia Eye mætast um fluguvigtartitil kvenna í næstsíðasta bardaga kvöldsins. Shevchenko var 124 pund en Eye var 125 pund og þurfti handklæðið til að afklæðast. Eye var síðust til að vigta sig inn en hafði tæpan hálftíma til stefnu.