Bardaginn átti upphaflega að fara fram á UFC 173 í maí 2014 en vandræði með Vitor Belfort kom í veg fyrir þann bardaga. Þá var bardaganum frestað til 6. desember á UFC 181 en tveimur mánuðum fyrir bardagann meiddist Weidman. Aftur var bardaganum frestað og átti hann að fara fram á UFC 184 þann 28. febrúar.
Nú er Weidman aftur meiddur og verður bardagi Cat Zingano og Rondu Rousey aðalbardagi kvöldsins. Chris Weidman varði beltið sitt síðast gegn Lyoto Machida á UFC 175 þann 5. júlí síðastliðinn.
