Conor McGregor er búinn að skrifa undir samning þess efnis að berjast í janúar. Conor mætir Dustin Poirier þann 23. janúar.
Allt er klappað og klárt fyrir bardaga Conor McGregor og Dustin Poirier í janúar. Samkvæmt heimasíðu Conor, Mac Life, skrifaði Conor undir bardagasamninginn á dögunum. Dustin Poirier skrifaði undir í síðustu viku.
Conor McGregor has signed his bout agreement to fight Dustin Poirier on Jan. 23, per McGregor. Poirier signed last week.
— Ariel Helwani (@arielhelwani) November 19, 2020
The rematch is officially on.
First reported by @Maclifeofficial.
Bardaginn verður í léttvigt en þetta verður fyrsti bardagi Conor í léttvigt síðan hann tapaði fyrir Khabib Nurmagomedov í október 2018. Síðast sáum við Conor mæta Donald Cerrone í janúar á þessu ári en sá bardagi fór fram í veltivigt.
Bardaginn gegn Poirier er endurat en kapparnir áttust við í september 2014. Þar sigraði Conor eftir tæknilegt rothögg í 1. lotu en sá bardagi fór fram í fjaðurvigt. Síðan þá hefur Conor unnið 6 bardaga, tapað tveimur og unnið tvo titla í UFC. Dustin hefur unnið 10 bardaga, tapað tveimur og varð bráðabirgðarmeistari í léttvigt árið 2019.
Bardaginn verður aðalbardaginn á UFC 257 þann 23. janúar en talið er að bardaginn verði í Abu Dhabi. Báðir hafa heitið því að gefa góða upphæð til góðgerðarsamtaka Dustin, Good Fight Foundation, eftir bardagann.
