Conor McGregor tapaði óvænt fyrir Nate Diaz í gær á UFC 196. McGregor tapaði eftir hengingu í 2. lotu en tekur tapinu fagnandi.
Conor McGregor talaði um eftir bardagann hve orkunýting hans hafi verið slæm í bardaganum. Hann eltist við rothöggið í stað þess að fara í skrokkinn og keyrði sig út. McGregor hefur ávallt sagt að hann yrði auðmjúkur í sigri jafnt sem tapi og það sýndi hann í gær.
McGregor tekur tapinu fagnandi þar sem hann ætlar að læra af þessu og halda áfram að vaxa. McGregor fagnar mótlætinu sem fylgir tapinu og lofar því að hann kemur til baka.
