Chad Mendes var fyrr í vikunni dæmdur í tveggja ára bann fyrir fall á lyfjaprófi. Conor McGregor hafði að sjálfsögðu eitthvað að segja um málið.
Þeir Conor McGregor og Chad Mendes mættust um bráðabirgðartitilinn í fjaðurvigtinni þann 11. júlí í fyrra. McGregor sigraði Mendes í frábærum bardaga á UFC 189.
Chad Mendes féll á lyfjaprófi í júní eftir að vaxtarhormón fundust í lyfjaprófi hans. „Ég velti því fyrir mér hvort hann hafi verið á þessu þegar við börðumst. Eitt veit ég þó, þú getur ekki dælt sterum í hökuna þína,“ sagði McGregor við nýju heimasíðu sína, The MacLife.
Mendes hefur alltaf verið með góða höku (getur tekið á móti höggum) en hefur verið rotaður í síðustu tveimur bardögum sínum. Conor McGregor sigraði Mendes með tæknilegu rothöggi í 2. lotu í júlí og Frankie Edgar rotaði hann í 1. lotu í desember.
