Mike Perry tapaði fyrir Santiago Ponzinibbio á laugardaginn á UFC bardagakvöldinu í Kanada. Eftir bardagann sagði hann að Ponzinibbio hefði potað í augað á sér.
Santiago Ponzinibbio vann sinn sjötta bardaga í röð um helgina. Hann sigraði Mike Perry eftir dómaraákvörðun í skemmtilegum bardaga. Snemma í 2. lotu sást Perry nudda á sér augað eins og hann hafi fengið putta í augað. Skömmu síðar byrjaði að blæða úr auganu.
Aðeins óskýrar myndir og hreyfimyndir (gif) hafa birst af umræddu poti og ómögulegt að sjá potið skýrt.
Perry segir að Ponzinibbio hafi potað í augað á sér en talaði ekki meira um atvikið.
