Nýja Mjölnishöllin í Öskjuhlíð mun opna laugardaginn 18. febrúar. Af því tilefni verður sérstök opnunarhátíð þar sem erlendir gestir mæta.
Opnunarhátíðin verður opin öllum og verður margt um að vera þann dag. Samkvæmt heimildum MMA Frétta hefur Conor McGregor mikinn áhuga á að mæta og hefur sagst ætla að koma fyrir opnunina. Þá er öruggt að þjálfarinn John Kavanagh muni mæta.
Á opnunarhátíðinni verður boðið upp á fría klippingu og frítt axlarnudd en í nýju aðstöðunni verður m.a. nuddstofa og klippistofa. Keppnislið Mjölnis tekur æfingu í Þórssalnum en um kvöldið verður svo partý í Drukkstofunni. Formleg dagskrá liggur ekki fyrir en ljóst að mikið verður um að vera á opnunarhátíðinni.
