Mynd: Conor McGregor með nýtt húðflúr

Írski bardagamaðurinn Conor McGregor hefur gaman af húðflúrum og bætti smá bleki á skrokkinn um helgina. Nýja húðflúrið er kannski ekki eins áberandi og hans síðasta húðflúr þegar Írinn fékk sér stórt tígrisdýr á magann.

Tígrisdýrið á maga McGregor vakti mikla athygli fyrr í sumar og eru ekki allir sammála um fegurð flúrsins. Hann hefur nú bætt „MCGREGOR“ og „NOTORIOUS“ fyrir ofan og neðan tígrisdýrið. Þetta er eflaust ekki seinasta húðflúr McGregor og mun skrokkurinn sennilega fá meira blek í náinni framtíð. Dana White, forseti UFC, er ekkert alltof sáttur með þessi húðflúr McGregor en Íranum er sama.

Conor McGregor fékk sér sitt fyrsta húðflúr þegar hann var 18 ára á skemmtanalífinu og kostaði litlar 20 evrur. Hér að neðan talar hann um tígrisdýrið og sitt fyrsta húðflúr.