Á UFC bardagakvöldinu í gær frumsýndi UFC geggjaða stiklu fyrir næsta stóra bardagakvöldið. Þar mætast þeir Stipe Miocic og Francis Ngannou um þungavigtartitilinn á UFC 220.
UFC 220 fer fram þann 20. janúar í Boston. Þungavigtarmeistarinn Stipe Miocic mun þá verja titilinn sinn gegn Francis Ngannou. Ngannou er sem stendur talinn sigurstranglegri en meistarinn Miocic og stefnir allt í einn besta þungavigtarbardaga í langan tíma.
Þessi stikla var frumsýnd í gær og óhætt að segja að hún vekji upp mikla spennu fyrir bardaganum.
