Í nýjasta Embedded þættinum má sjá þegar Dana White greinir Daniel Cormier frá slæmu tíðindunum með Jon Jones. Eins og margoft hefur komið fram fundust tvö ólögleg efni í lyfjaprófi Jones og fær hann því ekki að mæta Cormier um helgina eins og til stóð.
Daniel Cormier var einfaldlega eyðilagður yfir fréttunum enda hafði hann lagt gríðarlega mikið á sig í undirbúningi fyrir bardagann gegn Jon Jones. Cormier fær þó að mæta Anderson Silva á morgun á UFC 200 en Silva kemur inn með aðeins tveggja daga fyrirvara.
