Það ríkir svo sannarlega mikil spenna fyrir bardaga Conor McGregor og Nate Diaz í kvöld. Fjölmargir Írar eru í Las Vegas til að styðja sinn mann og var frábær stemning hjá þeim í gær í vigtuninni.
Það var frekar lítið um írska aðdáendur í Las Vegas framan af í vikunni. Conor er duglegur að berjast og það geta ekki allir farið svo oft til Las Vegas. Auk þess fóru margir Írar á Evrópumótið í Frakklandi og á Ólympíuleikana í Ríó. Það var því óttast að afar fáir Írar myndu vera í höllinni í kvöld þegar Conor berst.
Það mátti þó sjá á vigtuninni í gær að fjölmargir Írar eru mættir. Írarnir eru alltaf gríðarlega skemmtilegir og styðja þétt við bakið á Conor McGregor. Þeir voru því ekki sáttir þegar þeir Marc Raimondi og Shaun Al-Shatti tippuðu á að Nate Diaz muni sigra bardagann í kvöld.
