UFC 227 fer fram á laugardaginn í Kaliforníu. Um er að ræða endurtekið efni í tveimur stærstu bardögum kvöldsins en Countdown þættirnir fyrir bardagakvöldið eru komnir á sinn stað.
Í aðalbardaga kvöldsins mætast þeir T.J. Dillashaw og Cody Garbrandt um bantamvigtartitilinn. Kapparnir mættust í nóvember í fyrra í frábærum bardaga og nú mætast þeir aftur.
Í næstsíðasta bardaga kvöldsins mætast þeir Demetrious Johnson og Henry Cejudo í annað sinn. Þeir mættust áður á UFC 197 í apríl 2016 og þar var Johnson ekki lengi með Cejudo.
