Tyron Woodley og Stephen Thompson voru í gær saman í viðtali í enn eitt skiptið. Kapparnir mætast í aðalbardaganum á UFC 209 annað kvöld og áttu þeir í orðaskiptum eins og vanalega enda ósammála um fyrri bardagann.
Þeir Tyron Woodley og Stephen Thompson mættust fyrst á UFC 205 í New York. Bardaginn endaði í jafntefli og mætast þeir því aftur um veltivigtartitilinn á morgun.
Í aðdraganda bardagans hafa þeir oft mætt í viðtöl saman og eru ekki alltaf sammála. Sú var raunin í gær og spurði Thompson í lok viðtalsins hvers vegna Woodley þyrfti alltaf að vera svona vondur. Þeir höfðu þó báðir húmor fyrir þessu.
