UFC 210 fór fram um síðustu helgi og gekk ýmislegt á þar. Daniel Cormier varði léttþungavigtarbelti sitt og Gegard Mousasi sigraði Chris Weidman á skrítnu bardagakvöldi.
Við höfðum ekkert rætt um sigur Gunnar Nelson á Alan Jouban og fórum aðeins yfir þann bardaga og hvað gæti verið framundan. Þrátt fyrir flottan sigur Gunnars voru ýmsir sérfræðingar á því að Gunnar hafi í raun ekki bætt sig mikið síðan hann tapaði fyrir Rick Story en það er nokkuð sem við getum ekki verið sammála.
Þá ræddum við um bardaga Sunnu Rannveigar í Invicta en hún sigraði Mallory Martin í hörðum bardaga á dögunum. Þáttinn má hlusta á hér að neðan eða í hlaðvarpsjónustu iTunes.
