Í 42. þætti Tappvarpsins spjölluðum við um lyfjapróf Jon Jones en þessi frábæri bardagamaður féll aftur á lyfjaprófi. Þá fórum við einnig yfir boxbardaga Floyd Mayweather og Conor McGregor.
Það var á þriðjudaginn sem fréttir bárust af lyfjaprófi Jones. Anabólíski sterinn Turinabol fannst í lyfjaprófi hans en lyfjaprófið fór fram daginn fyrir bardagann gegn Daniel Cormier á UFC 214.
Þeir Conor McGregor og Floyd Mayweather mætast í boxbardaga á morgn í Las Vegas. Mikil eftirvænting er eftir þessum óhefðbundna bardaga og ræddum við að sjálfsögðu um hann.
