UFC 215 fer fram um helgina þar sem tveir titilbardagar verða á dagskrá. Countdown upphitunarþátturinn fyrir bardagakvöldið er kominn.
Fluguvigtarmeistarinn Demetrious Johnson freistar þess að bæta met Anderson Silva yfir flestar titilvarnir í sögu UFC með sigri á Ray Borg í aðalbardaga UFC 215. Síðast sáum við Johnson klára Wilson Reis með armlás í 3. lotu í apríl.
Í næstíðasta bardaga kvöldsins mætast þær Amanda Nunes og Valentina Shevchenko um bantamvigtartitil kvenna. Bardaginn átti upphaflega að fara fram á UFC 213 í júlí en sama dag og bardaginn átti að fara fram veiktist Nunes. Bardaginn var því felldur niður en núna fá þær að berjast.
