UFC 242 fer fram á laugardaginn í Abu Dhabi. Í aðalbardaga kvöldsins mætast þeir Khabib Nurmagomedov og Dustin Poirier en Countdown þátturinn fyrir kvöldið er kominn á sinn stað.
UFC 242 verður mjög spennandi bardagakvöld. Bardagakvöldið er á frábærum tíma hér á Íslandi þar sem bardagarnir fara fram í Mið-Austurlöndum en aðalhluti bardagakvöldsins hefst kl. 18:00.
Khabib mætir bráðabirgðarmeistaranum Dustin Poirier en þetta verður fyrsti bardagi Khabib eftir sigurinn á Conor McGregor í fyrra.
Paul Felder og Edson Barboza mætast öðru sinni í næstsíðasta bardaga kvöldsins.
Countdown þáttinn í heild sinni má sjá hér að neðan.
