UFC 254 fer fram næsta laugardag. Countdown þátturinn fyrir bardagakvöldið er kominn.
Í aðalbardaga kvöldsins mætast þeir Khabib Nurmagomedov og Justin Gaethje. Khabib er ríkjandi léttvigtarmeistari en Gaethje vann bráðabirgðarbeltið í léttvigt í maí með sigri á Tony Ferguson.
Robert Whittaker mætir Jared Cannonier í næstsíðasta bardaga kvöldsins. Þetta er mikilvægur bardagi í millivigtinni enda hefur meistarinn Israel Adesanya gefið það út að hann vilji mæta Cannonier ef honum tekst að vinna Whittaker.
Þáttinn í heild sinni má sjá hér að neðan. Þess má geta að bardagarnir verða snemma á laugardaginn en aðalhluti bardagakvöldsins hefst kl. 18:00 á íslenskum tíma.
