Dagmar Hrund keppir á Englandi

Dagmar Hrund Sigurleifsdóttir úr Reykjavík MMA keppir á Evolution of Combat bardagakvöldinu í Englandi annað kvöld. Dagmar keppir þá sinn annan áhugamannabardaga í MMA.

Dagmar Hrund (0-1) mætir Levi Steedman í 57 kg fluguvigt á morgun, laugardag. Dagmar er í 7. bardaga kvöldsins og verður hægt að kaupa streymi á bardagann hér.

Eins og áður segir keppir Dagmar fyrir hönd Reykjavík MMA en hún tók sinn fyrsta MMA bardaga á Evrópumótinu í MMA 2016.

Fyrsti bardagi kvöldsins hefst kl. 17:00 á íslenskum tíma en Reykjavík MMA mun sýna bardagana hjá sér á morgun.