Rapparinn heimsþekkti Drake hefur enn á ný vakið athygli í bardagaheiminum með risastóru veðmáli. Að þessu sinni hefur Kanadamaðurinn lagt eina milljón bandaríkjadala undir á að Conor McGregor fari með sigur af hólmi í endurkomubardaga sínum á UFC 329, sem hefur þegar kveikt mikla umræðu meðal MMA-aðdáenda.
McGregor snýr aftur í búrið eftir langa fjarveru og mætir Max Holloway í einum eftirvæntingarfyllsta bardaga ársins. Fyrir Írann er mikið undir, enda hefur hann ekki unnið bardaga síðan árið 2020 og margir velta fyrir sér hvort hann geti enn keppt við bestu bardagamenn heims eftir erfið meiðsli og langa pásu frá keppni.
Drake hefur lengi verið þekktur fyrir að leggja háar fjárhæðir undir á stórum íþróttaviðburðum og UFC-bardagar hafa oft verið þar á meðal. Veðmál hans hafa þó skapað sérstaka athygli vegna svokallaðrar „Drake-bölvunar“, en margir aðdáendur telja að íþróttamenn sem njóta stuðnings rapparans eigi það til að tapa á stóra sviðinu.
Þessi trú hefur orðið að hálfgerðu internetfyrirbæri á síðustu árum. Þó að Drake hafi unnið stórar upphæðir af sumum veðmálum sínum hafa fjölmargir bardagamenn og íþróttastjörnur tapað eftir að hann hefur opinberlega stutt þá, sem hefur aðeins ýtt undir umræðuna um hina svokölluðu bölvun.
Að þessu sinni virðist Drake þó hafa fulla trú á McGregor. Ef Írinn stendur uppi sem sigurvegari mun rapparinn vinna sér inn rúmlega 2,3 milljónir bandaríkjadala samkvæmt birtu veðmálinu. Takist McGregor hins vegar ekki að leggja Holoway að velli tapast milljón dollara veðmálið í heild sinni. Coolbet setur stuðulinn á 2,95 á að McGregor sigri Holloway á laugardaginn en það er einnig í boði sérstakt tilboð á þeim bardaga þar sem veðjandi er tryggður gegn ákveðnu tapi. Það er lýsandi fyrir stemninguna í veðmálaheiminum fyrir bardaganum.
Veðmálið hefur þegar orðið stórt umræðuefni á samfélagsmiðlum. Sumir telja að þetta sé skýr vísbending um að McGregor sé tilbúinn að snúa aftur af fullum krafti, á meðan aðrir grínast með að Holloway hafi í raun fengið óvænt forskot um leið og Drake birti miðann sinn.
Bardaginn sjálfur er engu að síður einn sá stærsti sem UFC hefur boðið upp á í langan tíma. Fyrir McGregor snýst kvöldið um að sanna að hann eigi enn heima meðal elítunnar í léttvigt og veltivigt. Fyrir Holloway er þetta tækifæri til að vinna stærsta sigur ferils síns og stöðva eina stærstu endurkomusögu MMA-heimsins.
Hvort Drake muni loksins brjóta „bölvunina“ eða hvort McGregor verði enn eitt stóra nafnið sem fellur þrátt fyrir stuðning rapparans kemur í ljós þegar UFC 329 fer fram. Eitt er þó víst – milljón dollara veðmálið hefur bætt enn meiri spennu við einn mest eftirvænta bardaga ársins.
