Gunnar Nelson hefur ekki enn náð fullum bata eftir meiðslin sem hann varð fyrir nokkrum dögum fyrir síðasta bardaga. Gunnar mun því sennilega ekki berjast aftur fyrr en í sumar.
Gunnar Nelson barðist síðast í september á UFC bardagakvöldinu í Kaupmannahöfn. Nokkrum dögum fyrir bardagann meiddist hann á rifbeini.
Gunnar hefur ekki enn náð sér af þeim meiðslum og hefur því ekki getað snúið aftur til æfinga á fullu. Gunnar er því ekki að fara að berjast á UFC bardagakvöldinu í London í mars en miðasala á bardagakvöldið hófst í vikunni.
Hans næsti bardagi verður því að öllum líkindum í sumar.
