Bjarki Þór Pálsson skrifaði á dögunum undir styrktarsamning við Victory Beef í Bandaríkjunum. Til að launa þeim greiðann ákvað Bjarki Þór að gera skemmtilega auglýsingu.
Bjarki Þór Pálsson (3-0) á hreint út sagt stórleik í þessari auglýsingu fyrir Victory Beef. Victory Beef er bandarískt fyrirtæki og búgarður sem selur grasfóðrað nautakjöt.
„Victory Beef er að styrkja mig þannig að mig langaði að gefa þeim eitthvað í staðinn. Þegar ég heyrði lagið Wanted Dead or Alive með Bon Jovi um daginn og fékk ég þessa hugmynd,“ segir Bjarki Þór og hlær.
Bjarki Þór leikur kúreka í auglýsingunni rétt eins og Sindri Már. „Ég og Sindri höfum verið að leika okkur með tvo kúreka karaktera, Reggie Ray og Seabass. Þetta er eitthvað sem við byrjuðum á þegar við vorum í Arizona.“
Auglýsinguna má sjá hér að neðan en þess má geta að Victory Beef er einnig að styrkja Sunnu Rannveigu Davíðsdóttur. Rúnar Hroði framleiddi myndbandið.
