ONE Championship hélt skemmtilegt bardagakvöld í Tokyo í morgun. Þar háðu tveir fyrrum UFC meistarar sína fyrstu bardaga á nýjum starfsvettvangi en úrslitin voru ólík.
Eddie Alvarez mætti Timofey Nastyukhin í fyrstu umferð í léttvigtarmóti ONE. Nastyukhin óttaðist ekki Alvarez og skiptist á höggum við Alvarez. Sá rússneski hafði mun betur standandi og var ekki mikil ógn af Alvarez – hvorki með höggum né fellum. Nastyukhin hitti með yfirhandar hægri sem vankaði Alvarez og fylgdi sá rússneski því eftir með nokkrum höggum áður en dómarinn stöðvaði bardagnn eftir 4:05 í 1. lotu.
Ekki sú byrjun sem Alvarez vonaðist eftir á nýjum vettvangi og er hann því úr leik í léttvigtarmóti ONE.
Timofey Nastyukhin SHOCKS THE ?! The Russian warrior knocks out Eddie Alvarez at 4:05 of Round 1 to advance in the ONE Lightweight World Grand Prix! #WeAreONE #ANewEra #Tokyo #MartialArts pic.twitter.com/YxUV0TSnFR
— ONE Championship (@ONEChampionship) March 31, 2019
Demetrious Johnson átti hins vegar mun betri byrjun heldur en Alvarez. Johnson mætti Yuhya Wakamatsu í fyrstu umferð í fluguvigtarmóti ONE. Johnson stjórnaði bardaganum mest allan tímann og kláraði með „guillotine“ hengingu í 2. lotu.
Demetrious Johnson makes a STATEMENT in his ONE debut, submitting Yuya Wakamatsu with a tight guillotine choke at 2:40 of Round 2! @MightyMouse #WeAreONE #ANewEra #Tokyo #MartialArts pic.twitter.com/K4yOpTfmQJ
— ONE Championship (@ONEChampionship) March 31, 2019
Í aðalbardaga kvöldsins sáum við Shinya Aoki klára Eduard Folayang með „arm-triangle“ í 1. lotu en öll úrslit kvöldsins má sjá hér.
