Gunnar Nelson var gestur í The MMA Hour í gær. Þátturinn er einn sá vinsælasti í MMA heiminum en hér að neðan má hlusta á viðtalið.
Ariel Helwani stjórnar þættinum en Helwani spurði Gunnar m.a. út í tréð umdeilda sem Gunnar lét fella, bardagann gegn Demian Maia, árshátíðarmyndbönd Mjölnis þar sem Gunnar dansar við lögin Sorry og Chandelier, fjölmiðlafárið í kringum Conor McGregor meðan hann dvaldi á Íslandi og auðvitað Albert Tumenov.
Gunnar mætir Albert Tumenov á UFC bardagakvöldinu í Rotterdam á sunnudaginn kemur.
