Gunnar Nelson og Sunna Rannveig Davíðsdóttir kenndu CrossFit stjörnunum Söru Sigmundsdóttur og Björgvini Karli nokkur MMA brögð á dögunum.
Gunnar og Sunnu þarf vart að kynna en þau brugðu á leik á dögunum með þeim Söru og Björgvini. Sara Sigmundsdóttir er ein fremsta CrossFit kona heims og var í 4. sæti á Heimsleikunum í fyrra. Björgvin Karl er sömuleiðis meðal þeirra bestu í CrossFit heiminum en hann var í 5. sæti á Heimsleikunum í fyrra.
Hér fá þau smá kennslu frá Gunnari og Sunnu og læra að kýla og sparka í púða. Þá fá þau að læra eina einfalda hengingu en að lokum glímir Gunnar við Björgvin Karl en má þó ekki nota hendur.
