UFC birti í gær gamalt myndband af Gunnari að tala um Ísland og éta sviðakjamma. Gunnar mætir Albert Tumenov á sunnudaginn í Rotterdam.
Myndbandið er í raun endurnýtt og var tekið upp árið 2013. Er Gunnar var að undirbúa sig fyrir bardaga gegn Mike Pyle sendi UFC tökulið hingað. Gunnar meiddist hins vegar fyrir bardagann og varð ekkert af bardaganum. Myndbrotið var þó sýnt á Fox Sports vorið 2013.
UFC hefur birt myndbandið aftur í tilefni bardaga Gunnars um helgina.
