Hrólfur með sigur eftir klofna dómaraákvörðun

Hrólfur Ólafsson er kominn áfram á Evrópumótinu í MMA eftir sigur fyrr í dag. Hrólfur sigraði eftir klofna dómaraákvörðun.

Hrólfur mætti Finnanum Tommi Leinonen en bardaginn fór fram í millivigt (84 kg). Dómararnir voru lengi að ákveða sig en svo fór að Hrólfur fékk sigurinn dæmdan sér í vil eftir þrjár harðar lotur. Hann er því kominn áfram í 8-manna úrslit í millivigtinni rétt eins og Björn Þorleifur.

Hrólfur mætir á morgun Florian Aberger frá Austurríki.