UFC frumsýndi frábært kynningarmyndband fyrir bardaga Jon Jones og Daniel Cormier á UFC 214. Í myndbandinu er farið yfir öll mistök Jon Jones undanfarin ár og er UFC ekkert að skafa af því.
Þetta er með bestu kynningarmyndböndum sem UFC hefur gert. Gríðarleg eftirvænting ríkir fyrir bardaganum og er þetta stærsti MMA bardagi ársins hingað til.
UFC hefur margoft reynt að setja saman bardaga á milli þeirra en aðeins einu sinni tekist. Annað hvort hafa meiðsli Cormier og Jones eða hegðun Jones utan búrsins svo sem lyfjapróf komið í veg fyrir bardagann. Vonandi fáum við að sjá þennan bardaga í eitt skipti fyrir öll en Jones vann fyrri bardaga þeirra í janúar 2015.
UFC 214 fer fram þann 29. júlí í Anaheim í Kaliforníu.
