Gleðilegt nýtt ár og takk fyrir það liðna. UFC fer af stað aftur eftir hátíðarhlé um helgina með frekar áhugaverðu APEX -kvöldi þar sem Mackenzie Dern mætir Amanda Ribas aftur. En þær mættust síðast í október 2019 stuttu eftir að Dern eignaðist dóttur sína hana Moa.
Það er margt skemmtilegt á þessu kvöldi fyrir okkur bardagaáhugamennina en hlaðvarpið ber keim af því að menn séu vissulega að koma til baka eftir frí og eiga erfitt með að halda sér við efnið. Það virðist líka vera sem svo að þáttastjórendur séu orðnir veðmálafíklar enda sífellt fleiri og fleiri veðmál slegin í þessum þætti. Það er allavegana staðfest að einhver verður kýldur í magann eftir helgi.
Svo er auðvitað fréttahornið í boði MMA Frétta á sínum stað. Eitt og annað í deyglunni sem þarf að ræða.
