https://www.youtube.com/watch?v=dcBAlxLP-BU
Þeir Demetrious Johnson og John Dodson mættust fyrst um fluguvigtartitilinn í janúar 2013 í frábærum bardaga. Kapparnir munu endurtaka leikinn um helgina á UFC 191 og af því tilefni rifjum við upp fyrri bardaga þeirra.
Bardaginn var aðalbardaginn á UFC on Fox 6 bardagakvöldinu í Chicago. Þetta var jafnframt fyrsta titilvörn Johnson en bardaginn um helgina verður sjöunda titilvörn hans í UFC. Síðan bardaginn fór fram hefur Dodson sigrað alla þrjá bardaga sína og jafnað sig á krossbandsslitum. Á sama tíma hefur Johnson sigrað fimm bardaga og virðist bæta sig í hverjum bardaga.
Viðureign þeirra var einfaldlega frábær og erfiðasti bardagi Johnson hingað til. Dodson er með undarlega mikinn höggþunga miðað við mann í fluguvigtinni og sló meistarann niður þrívegis.
UFC 191 fer fram á laugardaginn og er bardagi Dodson og Johnson aðalbardagi kvöldsins. Aðalhluti bardagakvöldsins hefst kl 2 og verður í beinni útsendingu á íslenskum tíma. Hér að neðan má sjá Countdown þáttinn fyrir bardaga þeirra.
https://www.youtube.com/watch?v=TWsV8sli1fI
