Hægra hnéð á Farés Ziam sendi Matt Frevola í skuggavíddina

Farés Ziam barðist við Matt Frevola í fyrsta bardaga á main cardi UFC fight night í París. Ziam byrjaði betur og átti Frevola í vandræðum með að hitta Ziam í fyrstu lotu og sló hvert vindhöggið á fætur öðru. Ziam var með yfirhöndina allan bardagann en þau fáu augnablik sem Frevola átti voru í gólfinu þar sem hann ógnaði með uppgjafartökum. Ziam var með yfirburði allan bardagann en í þriðju lotu steinrotaði Farés Ziam hann Frevola með fullkomnu hné þegar þeir stóðu upp við búrið. Virkilega sterkur sigur hjá Farés Ziam og gæti þetta hné alveg endað sem eitt af rothöggum ársins.