UFC 259 verður á dagskrá um helgina og stefnir allt í heljarinnar veislu. Þrír titilbardagar verða á bardagakvöldinu og er Countdown þátturinn kominn.
Í aðalbardaga kvöldsins mætast þeir Jan Blahcowicz og Israel Adesanya. Þetta verður fyrsta titilvörn Blachowicz síðan hann varð léttþungavigtarmeistari í fyrra. Israel Adesanya er ríkjandi millivigtarmeistari og er að fara upp í léttþungavigt til að skora á nýja meistarann.
Amanda Nunes er ríkjandi meistari í bæði bantamvigt og fjaðurvigt kvenna. Í þetta sinn mun hún verja fjaðurvigtarbeltið sitt og mætir Megan Anderson.
Í bantamvigt mun nýi meistarinn, Petr Yan, verja beltið sitt í fyrsta sinn. Hann mætir Aljamain Sterling og verður þetta hörku bardagi í bantamvigtinni.
UFC 259 fer fram á laugardaginn og stefnir allt í hörku bardagakvöld.
