Kolbeinn Kristinsson er að leggja lokahönd á undirbúninginn fyrir bardagann gegn Mika Mielonen. Bardaginn fer fram í Helsinki 3. september og hefur verið lengi í bígerð.
Þetta er í þriðja skiptið sem bardaginn er skipulagður og virðast allar stjörnurnar hafa raðast upp rétt núna. Samningurinn er kominn í hús og búið er að útkljá öll smáatriði. Kolli fékk hluta af laununum sínum greidd fyrir fram og fær að ganga inn í hringinn á eftir Mika Mielonen. Íslenski þjóðsöngurinn verður líka spilaður á eftir þeim finnska.
Kolli gaf smá innsýn inn í bardagann í síðasta þætti af Leiðin að búrinu á Instagram.
Bardaginn verður í beinni útsendingu á Minigarðinum 3.September.
