Bellator 250 fór fram í gærkvöldi í Bandaríkjunum. Í aðalbardaga kvöldsins mættust þeir Gegard Mousasi og Douglas Lima um millivigtarbeltið.
Beltið í millivigtinni var laust eftir að Rafael Lovato Jr. lét beltið af hendi fyrr á árinu. Mousasi, sem tapaði beltinu til Lovato á sínum tíma, fékk því tækifæri til að endurheimta beltið í gær. Hann mætti Douglas Lima í gær en Lima er ríkjandi veltivigtarmeistari.
Bardaginn var taktískur og var Mousasi með yfirhöndina yfir loturnar fimm. Hann var þolinmóður, pressaði stíft, notaði stunguna og náði tveimur fellum í upphafi og lok bardagans.
Lima var mjög hikandi og sótti lítið fyrstu þrjár loturnar. Lima átti fína spretti þegar hann sótti fram en það var of lítið um það hjá honum. Lima er með hættuleg spörk en byrjaði ekki að nota þau fyrr en í síðustu tveimur lotunum. Það tók sinn toll á Mousasi en kom of seint. Mousasi viðurkenndi eftir bardagann að spörkin hefðu meitt hann.
Mousasi sigraði því eftir dómaraákvörðun og endurheimti þar með millivigtarbeltið.
Sabah Homasi átti síðan tilþrif kvöldsins þegar hann kláraði Bobby Voelker í 2. lotu.
Sheesh… @SabahHomasi with the flying knee! 🦵💥
— Now or Never ESPN (@noworneverespn) October 30, 2020
(Via @BellatorMMA)#mma #bellator #ko #nowornever pic.twitter.com/Tj3TzsbqYm
Bardagarnir voru í beinni á Youtube en hér má sjá aðalhluta bardagakvöldsins:
