Ansi neyðarlegt atvik átti sér stað í bardaga Felice Herrig og Justine Kish á sunnudaginn. Kish varð brátt í brók í lok bardagans en Big John McCarthy segir að stöðva hefði átt bardagann.
Felice Herrig sigraði Justine Kish á UFC bardagakvöldinu í Oklahoma á sunnudaginn. Í þriðju lotu sáust brúnir blettir á gólfi búrsins. Eftir smá átök hjá Kish varð smá slys með þessum afleiðingum.
Kish fór allar loturnar og tapaði því eftir dómaraákvörðun. Dómarinn reynslumikli Big John McCarthy segir þó að stöðva hefði átt bardagann.
It is scored as a TKO loss for the fighter who loses control of their bladder or bowels #AskBJM https://t.co/Ns5oDR4JGF
— Big John McCarthy (@JohnMcCarthyMMA) June 26, 2017
Kish hefði því átt að tapa eftir tæknilegt rothögg enda ekki boðlegt að barist sé í saurugu búrinu.
The fight’s over. You cannot expect a fighter to compete with someone who has fecal matter on them. There is no timeout or cleanup #AskBJM https://t.co/UD7A6I6P9G
— Big John McCarthy (@JohnMcCarthyMMA) June 26, 2017
Kish tók þessu sjálf með jafnaðargeði og gerði grín að sjálfri sér. Þetta var hennar fyrsta tap í MMA og mun þetta sennilega gleymast seint.
I am a warrior, and I will never quit #ShitHappens haha be back soon.
— Justine Kish (@JustineKish) June 26, 2017
Enn er rifjað upp þegar Yoel Romero og Tim Sylvia lentu í svipuðum leiðindar atvikum.
