Kolbeinn “Icebear” Kristinsson, oftast þekktur sem "Kolli", mun berjast upp á Baltic Boxing titilinn í Finnlandi 1. Júní. Það hefur legið í loftinu í dágóðan tíma að Kolli fái titilbardaga, en þónokkur bakslög hafa sett strik í reikninginn. Það stóð til að Kolli myndi berjast í maí en þá braut hann hægri hendina sína og varð það til þess að hann þurfti að sitja hjá. En núna er kominn nýr andstæðingur, dagsetning, staður og belti!