Orðrómurinn sem virtist aldrei ætla að hverfa fékk heldur betur nýtt líf í gær. Dana White, forseti UFC, bauð þeim Conor McGregor og Floyd Mayweather 25 milljónir dollara hvor fyrir boxbardaga.
Dana White mætti í þáttinn The Herd þar sem hann bauð Floyd 25 milljónir dollara og er tilbúinn til að semja við Floyd um skiptingu á sjónvarpstekjunum.
Svona tilboð væri tækifæri lífsins fyrir alla nema Floyd. Boxarinn hefur áður sagt að hann muni ekki taka bardagann nema hann fái 100 milljónir dollara.
Bardaginn yrði aðalbardaginn á stóru box bardagakvöldi og myndi setja upp nokkra stóra bardaga til viðbótar. White vonast eftir að slíkt bardagakvöld myndi selja tvær milljónir Pay Per View kaupa.
