Rússinn Khabib Nurmagomedov er einn fremsti léttvigtarmaður heims og snýr nú aftur í UFC-búrið um helgina eftir tveggja ára fjarveru. Af því tilefni rifjum við upp gamalt myndband af honum að glíma við bjarnarhún.
Myndbandið kom fyrst fram á sjónarsviðið fyrir um það bil tveimur árum síðan. Myndbandið sýnir níu ára Khabib Nurmagomedov glíma við húninn.
Myndbandið var afar umdeilt á sínum tíma enda mjög sérstakt að setja barn í þessar aðstæður. Á sama tíma vakti þetta ákveðna aðdáun á þessum kaldrifjuðu rússnesku bardagamönnum sem æfa oft við óvenjulegar aðstæður.
Pabbi Khabib, Abdulmanap Nurmagomedov, hefur þjálfað son sinn frá blautu barnsbeini og útskýrði hvers vegna hann hefði látið son sinn glíma við bjarnarhún. „Börn vilja alltaf að faðirinn sjái hvers þau eru megnug. Það var ekkert áhugavert að gera fyrir hann þegar hann var krakki og það er synd. Þetta var bara próf á hans manngerð fremur en einhver æfing.“
https://www.youtube.com/watch?v=JZvCgSmV9JA
