UFC 250 ætlaði að vera með bardagakvöld í Brasilíu þann 9. maí. Það verður þó ekkert bardagakvöld í höllinni þar sem henni verður breytt í bráðabirgðarspítala.
UFC 250 átti að fara fram í Ibirapuera höllinni í Sao Paulo. Borgarstjórn Sao Paulo hefur hins vegar ákveðið að breyta höllinni í bráðabirgðarspítala fyrir sjúklinga sem eru með kórónaveiruna. Í Brasilíu hefur veiran verið skæðust í Sau Paulo með tæplega 14 þúsund smit.
UFC 250 gæti því verið fyrsta bardagakvöldið á einkaeyjunni sem Dana White segist vera búinn að tryggja sér. UFC ætlar að halda flesta viðburði sína á friðlendusvæði indjána en ætlar einnig að vera með nokkur bardagakvöld á einkaeyju. UFC getur ekki komið öllum bardagamönnum til Bandaríkjanna og verður því með bardagakvöld á eyjunni fyrir bardagamenn utan Bandaríkjanna.
Á UFC 250 eiga að vera tveir titilbardagar á dagskrá. Henry Cejudo mætir Jose Aldo um bantamvigtartitilinn og Amanda Nunes mætir Felicia Spencer um fjaðurvigtartitil kvenna.
Nýjustu orðrómar herma að Jose Aldo geti ekki barist í maí og því komi Dominick Cruz inn gegn Cejudo. Það hefur þó hvergi verið staðfest á þessari stundu.
