Joanna Jedrzejczyk nældi sér í enn einn sigurinn á UFC 211 í gær. Á blaðamannafundinn eftir bardagann yfirgaf Joanna Jedrzejczyk blaðamannafundinn í tárum.
Joanna Jedrzejczyk sigraði Jessicu Andrade eftir dómaraákvörðun í gær. Einn af þjálfurum hennar, Kami Barzini, mun fljótlega yfirgefa American Top Team þar sem hún æfir. Þar hefur hann þjálfað í mörg ár og er mikils virtur þar.
Á blaðamannafundinum eftir bardagann var Jedrzejczyk spurð út í fráhvarf hans og brast hún í grát. Jedrzejczyk yfirgaf blaðamannafundinn í tárum og kom ekki aftur.
Fram að þessari spurningu var hún nokkuð hress en hér má sjá blaðamannafundinn með henni í heild sinni.
