Lerone Murphy sigraði Edson Barboza á einróma dómaraákvörðun en þeir mættust í aðalbardaga kvöldsins á UFC Fight Night í Apex-inu rétt í þessu. Bardaginn var einstefna nánast í gegn og vann Barboza aðeins eina lotu á stigakorti eins dómara.
Murphy sigraði Barboza með afgerandi hætti og hækkaði ósigrað met sitt í 14-0, með 1 jafntefli. Hann er núna búinn að vinna 6 bardaga í röð í UFC eftir að UFC frumraun hans endaði sem split draw. Árið 2018 var Murphy að berjast á sömu viðburðum og bæði Mjölnir og RVKMMA en ári seinna þreytti hann frumraun sína í UFC og núna er farið að tala um hann sem titil áskoranda.
![](https://i0.wp.com/mmafrettir.is/wp-content/uploads/2024/05/Screenshot-2024-05-19-at-02.07.49-1.png?resize=696%2C443&ssl=1)
Murphy vann allar loturnar nokkuð þægilega og gerði vel að blanda fellum inn í leik sinn þegar fór að líða á en Barboza gaf honum góðan bardaga í gegn samt sem áður. Nokkur skrokkshögg snemma minntu lýsendann Paul Felder á þegar hann pissaði blóði eftir sinn bardaga við Barboza. Eftir góða 1. lotu fyrir Murphy nær Barboza uppsparki af bakinu sem lendir alveg hreint í höfuð Murphy og hann leit bugaður út á stólnum milli lota. Hann náði hins vegar að grafa djúpt og hélt áfram að pressa að Barboza og lenda á hann góðum höggum.
Barboza virkaði á köflum gjörsamlega búinn en hann náði líka að grafa djúpt og gaf Murphy góða mótspyrnu fram í endan sem átti í talsverðum erfiðleikum með að labba burt frá búrinu eftir fjölda góðra lágsparka.
![](https://i0.wp.com/mmafrettir.is/wp-content/uploads/2024/05/Screenshot-2024-05-19-at-02.11.03.png?resize=696%2C450&ssl=1)
![](https://i0.wp.com/mmafrettir.is/wp-content/uploads/2024/05/Screenshot-2024-05-19-at-02.11.03.png?resize=696%2C450&ssl=1)
Í viðtalinu við Felder eftir bardaga óskaði Murphy eftir bardaga á UFC 304 í Manchester sem væri skiljanlegt að hann fengi þar sem það er deginum ljósara að England hefur eignast nýja stjörnu í MMA.