Hið árlega Minningar Open Mat Arnars Inga verður haldið í húsakynnum Reykjavík MMA laugardaginn 22. mars.
Arnar Ingi var virkur þátttakandi í glímusenunni á Íslandi og meðlimur í RVK MMA frá upphafi.
Hann kom meðal annars barna og unglingastarfi GFR / RVK MMA á laggirnar þar sem hann þjálfaði og gaf af sér eins og honum einum var lagið.
Arnar Ingi féll frá eftir hetjulega baráttu við krabbamein í janúar árið 2023 og hans er sárt saknað.
Til þess að heiðra minningu hans ætlum við hittast, glíma og hafa gaman!
Allir velkomnir.
Aðgangseyrir er kr 1.000 sem rennur óskertur í nýstofnaðan Minningarsjóð Arnars Inga sem nýttur verður til að styðja við keppnis- og æfingaferðir fyrir barna og unglingastarf GFR / RVK MMA.
Hvetjum alla til að mæta, taka á því og eiga fallega stund saman uppi á Viðarhöfða!
— Frétt fengin úr facebook innslagi Reykjavík MMA —
